(foto Gelo Lour 12-12-2014)
Joventude no Estudante nebe hetan ajudasaun Komputador lima komesa halao ona treinamentu komputador hodi kapasita foinsae sira nebe husi suco lour hodi bele atribui ba dezemvolvimentu iha futuru. Treinementu nee fo husi estudante finalista DIT Departementu Siensia Komputador nebe oras nee halao hela peskija ba ninia Monografia. Liu husi dalan ida nee ema lour oan rasik hakarak buka matenek no fahe dadaun ba ninia maluk sira seluk nebe persija atu nune matenek nebe iha la mohu leet deit. Avansa nafatin.....bravo...
(foto Gelo Lour 12-12-2014)
Angelho C. Pereira hanesan mos ema Lour oan nebe iha matenek iha komputador halao treinamentu nee ho volutariu no ho antusiasmu nebe mak boot diriji no fahe ninia matenek nebe iha ba iha ninia kolega estudante no joventude sira seluk nebe mos ho antusiasmu tuir hela ninia instrusaun oinsa halao operasaun komputador. Parabens ba imi hotu...
Treinamentu komputador nee mos hanesan inisiativa rasik husi estudante no Joventude Suco Lour rasik nebe durante nee hakarak tebes aprende no aumenta sira nia abilidade komputador hodi nunee bele hatene oinsa serbisu uza komputador.
No comments:
Post a Comment